ЮТҺ кушымта аша

Россиянең барлык төбәкләрендә 1 ноябрьдән юл-транспорт һәлакәте турында кәгазь урынына электрон хәбәр тутыра алалар. Моны «ОСАГО ярдәмчесе» кушымтасы аша ЮХИДИ хезмәткәрләрен чакырмыйча гына эшләргә мөмкин. Авария схемасын ясарга һәм фото куярга кирәк булачак.

Авариядә ике машина катнашкан һәм зыян күргән кешеләр булмаган очракта гына, электрон хәбәрне рәсмиләштерергә мөмкин. Хезмәт күрсәтүдән физик һәм юридик затлар да файдалана ала.

Кушымта Россия Банкы һәм Россия автостраховщиклар берлеге тарафыннан Элемтә һәм массакүләм коммуникацияләр министрлыгы ярдәмендә эшләнгән. Кушымта аша юл-транспорт һәлакәтләрен рәсмиләштерүгә 15 минутка якын вакыт китә.

Чыганак Российская Газета