Зөлфәт – чемпион

Старый Оскол шәһәрендә авыр атлетика буенча Россия беренчелеге тәмамланды. Анда илебезнең төрле төбәкләреннән 18 яшькә кадәр 180 спортчы катнашты.

Әлеге мәртәбәле ярышта Чаллы данын "Заря" балалар-спорт мәктәбендә шөгыльләнүчеләр яклады. Алар арасында спорт мастерлыгына кандидат Зөлфәт Гәрәев аеруча уңышлы чыгыш ясады. Ул 50 килограммга кадәрле авырлыктагы спортчылар арасында җиңде. Шулай итеп, шәһәрдәшебез Россия җыелма командасы составында авыр атлетика буенча Дөнья чемпионатында катнашу хокукы алды. Зөлфәтне ярышларга тренер Марат Мәдияров әзерләде