Зомби-бөҗәкләр

Кыргый табигать мәсьәләләре буенча эксперт доктор Крисс Миллер күптән түгел бик кызыклы күзәтү ясаган: кайбер бөҗәкләр сәер авыру аркасында юкка чыгып бара икән. Доктор бу чирне "зомби-вирус" дип атаган.

Шушы вирус бөҗәкнең тәненә эләксә, аның ихтыярын үзенә буйсындыра. Яндыра торган кояш нурларыннан һәм кошлардан агач яфраклары арасына яшеренәсе урынга, бичара корт, киресенчә, кәүсә буйлап өскә таба үрмәли башлый. Ахыр чиктә шартлап, ул әлеге вирус белән белән башка "туганнарын" да зарарлый. Доктор Миллер фикеренчә, бу бик куркыныч хәл. Вирус тәэсирендә бөҗәкләрнең аерым популяцияләре бөтенләй юкка чыгарга мөмкин, ә бу экосистемага зур зыян китерәчәк.