Зәйдә – “Тәртип” радиосы

Зәйдә бүгеннән “Тәртип” радиосы эшли башлады.  
“Тәртип” – уникаль контенты булган радио, ул татар милли мәдәниятен саклап калу, аны үстерү, башка милләт вәкилләре арасында танытуга юнәлтелгән. Радионың төп бурычы – үткәннәрне саклап калу һәм хәзерге заман белән элемтәләрне ныгыту. Эфирда тәүлек дәвамында ретро-җырлар, алтын хитлар, классик әсәрләр, шулай ук заманча сыйфатлы музыка яңгырый. “Тәртип” радиосы үзенең тапшыруларында әхлакый, тәрбияви, рухи кыйммәтләрне алга сөрә. Мәдәният, сәнгать, тарих, үткәннәр, булачак һәм хәзерге татар халкы – программаларның төп сюжеты, төп темалары.   
Зәйдә эшли башлаган “Тәртип” радиосы җирле яңалыклар, мәдәни юнәлештәге программалар, музыкаль котлауларга бай булачак. “Тәртип” радиосы – 88.0FM ешлыгында!      
 

Фото: i3vestno.ru