Асия Әхмәтшинага – «Асия» композициясе

Моңлы җырчы Асия Әхмәтшина бу көннәрдә оныклары белән мәшгуль. Алардан бушаган арада тормышында булган вакыйгалар турында да сөйләп алды, сөенече белән дә уртаклашты ул.

«Татарлар, берләшегез!» – дип җырлаган Татарстанның  атказанган мәдәният хезмәткәре Асия Әхмәтшинага улы үзенчәлекле бүләк ясаган. Америкада яшәүче күренекле саксафончы һәм композитор Эдуард Әхмәтшин әнисе хөрмәтенә «Асия» дип исемләнгән музыкаль композиция язган.

Асия ханымның бик зур хыялы бар. «Лотореягә акча отсам, гүзәл табигатьле Бакчасарай авылындагы елганы чистартыр идем», – ди ул.