Атказанган артистның якын кешесе үлгән

Татарстанның атказанган артисты Данир Сабиров кайгылы хәбәре белән уртаклашты.

Аның Уфадагы Римма ханым исемле тугры тамашачысы юл-транспорт һәлакәтенә очрап, вафат булган. 

«Уфада берничә көн карый иде тамашамны, аннары Чаллыга, Казанга да килә иде. Бу атнада да ул Сургуттагы концертыма килергә тиеш булган. Матур смсларыгыз белән мине канатландырганыгыз өчен рәхмәт. Бик жәл, Римма апа. Урыныгыз оҗмахта булсын. Якыннарыгызның авыр кайгысын уртаклашам», – дип язды ул үзенең социаль челтәрләрендә.

Фото: артистның социаль челтәрдәге сәхифәсеннән алынды