Фирдүс Тямаев белән күңелсез хәл булган

Юлда барганда ТР атказанган артисты Фирдүс Тямаев белән күңелсез хәл булган: машинасының тәрәзәсе урыныннан кузгалып, ябылмый башлаган. Бу хакта җырчы үзенең социаль челтәрдәге аккаунтына пост урнаштырган. 

Видеодан күренгәнчә, Фирдүс чатнама суыкта ачык тәрәзәле машинада җилдерә. «Алда – 73 чакрым. Барып җиткәч тә ясыйбыз. Иң мөһиме, бирешмәскә!» – ди ул, машинадагы музыканы бар тавышына ачып. Аның язылучылары бертавыштан диярлек  «Отвертка кыстырып куярга була бит», «Урманнан берәр ботак булса да алып кыстыр инде», «Пычак кыстырсаң да ярый», «Кәгазь булса да кыстыр инде» дип киңәш биргәннәр.