Шəhри Чаллы

Хәния Фәрхинең яраткан сеңлесе бәйгедә җиңде

Яраткан җырчыбыз Хәния Фәрхинең яраткан сеңлесе – Фирүзә Ибәтуллинаның кызы Галиягә бүген 18 яшь тула. Ул үзенең туган көненә әти-әнисенә, картыена һәм барлык туганнарына бүләк әзерләде.

«Татарстан яңа гасыр» каналында бара торган «Җырлыйк әле» телевизион бәйгесендә җиңде. Хәния Фәрхи истәлегенә оештырылган бу чыгарылышта «Бәйрәм» ансамбле музыкантлары катнашты. Галиянең көндәшләре тәҗрибәле сәхнә осталары –  җырчы Фәннур Нәҗипов белән алып баручы, пародия остасы Мирхәт Гайсин иде. Апасы кебек матур җырлаучы кыз аларны җиңде. 

Галия Хәния Фәрхинең соңгы минутларында янында булган кешеләрнең берсе. Тиздән сайтыбызда һәм газета битләрендә кадерле апасы турында аның истәлекләрен урнаштырырбыз. Безне күзәтеп барыгыз.

Фотолар шәхси архивтан.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: