Күренекле җырчы Резидә Шәрәфиевага нәрсә бүләк иткән?

Кичә, үзенең туган көнендә Татарстанның халык артисты Салават Фәтхетдинов Чаллыда концерт куйды. Анда  үзенең туган көнендә яраткан җырчыбыз Резидә Шәрәфиева да катнашты. Бу юкка гына түгел, җырчылар икесе дә зур сәхнәгә тәүге адымнарын Чаллыда ясадылар.

Туган көн бүләксез булмый инде. Җырчылар тамашачыларга җырларын бүләк иттеләр. «Дүрт сәгатьлек концерт бер сулышта үтте», – диде эшмәкәр Гөлчәчәк Титова.

Салават Фәтхетдинов Резидәгә җылы ыштан белән костюм бүләк итте. Артистның сәхнәдәш дуслары бүләкне мактап: «Мондый салкын көннәрдә бу иң кирәкле әйбер», – дип бәяләделәр.