Руслан Кираметдинов «Хыянәт» турында...

Популяр җырчы Руслан Кираметдинов Башкортостанда гастрольләрен тәмамлап, бу атнада Чаллыда концерт куярга җыена. Оештыручылар әйтүенчә, билетлар санаулы гына калган. 

Җырчы концертында яңалыклар шактый күп булачак. 

«Руслан популяр җырчы Сиринә Зәйнетдинова белән яңа гына табадан төшкән «Хыянәт» җырын башкарачак. Композитор Зөфәр Хәйретдиновның Ренат Мөслимов шигыренә язган әлеге җыры кеше тормышындагы күңелсез күренеш турында. Җырчылар аны үзәк өзгеч итеп җырлыйлар. Тыңлаган кешеләр: «Бу хит булачак», – дип бәя бирделәр инде», – ди җырчының концерт директоры Айдар Сәфәргалин.