Салават Фәтхетдиновның килене үз подписчикларының сорауларына җавап биргән

Салават Фәтхетдиновның килене Рузия социаль челтәрләрдә үз подписчикларының сорауларына җавап биргән. Иң элек ул ире Рөстәм Фәтхетдиновтан ничә яшькә зуррак булуын әйткән, дип яза https://kiziltan.ru.

«Мондый сораулар бик күп килә. Миңа – 24, иремә 21 яшь», – дип җавап биргән ул шундый сорау бирүчегә.

Рузия медицина университетының соңгы курсында укый икән. Ул бәбәй тапканнан соң ял алмаган.

Аннан: «Сез фатирда яшисезме, үз йортыгыз беләнме? Ирегезнең әти-әнисе беләнме?» – дип тә кызыксынганнар.

«Без әти-әниләрдән аерым, үз фатирыбызда яшибез», – дигән ул.

«Улыгызны безгә кайчан күрсәтәсез?» – дигән сорауга яшь әни: «Минем аны бөтен дөньяга күрсәтәсем дә, шул ук вакытта бөтен кешедән яшерәсем дә килә», – дип җавап кайтарган.

Фото: социаль челтәрләрдән.