Халык артисты гаиләсенә кайгы килгән

Татарстанның халык артисты Зөһрә Сәхабиева-Бигичева гаиләсенә  кайгы килгән.

– Бертуган апам Хәдиянең улы Марат кинәт вафат булды. Узган ел коронавирус белән чирләп икесе дә хастаханәдә дәваланып чыккан иделәр. Әллә шуннан өзлегеп калды инде, берничә көн салкын тидереп авырап яткан... Аннары 86 яшьлек әнисен калдырып мәңгелеккә китеп тә барган. Апам: «Мин үлгән булсам, яхшырак булыр иде», – дип өзгәләнә. Аның ике улы да вафат инде. Хәзер барыбыз да хәлебездән килгәнчә, апабызга ярдәм итәргә, ялгызын калдырмаска тырышабыз. Энебезнең урыннары җәннәттә булсын, –  диде ул газетабыз хәбәрчесенә.