16 мең шәһәрдәшебезне чит илгә чыгармыйлар

Чаллыдан 16 меңнән артык кеше чит илгә чыга алмый. Барысына да түләнмәгән бурычлар сәбәпче. Аларның күпчелеге алимент түләүләре белән бәйле, ди суд приставлары. Мәгълүм булганча, моңа кадәр тиешле органнарга 10 мең әҗәте булган кешегә карата чикләүләр кертелә иде. 1 октябрьдән исә әлеге сумма үзгәрде, һәм ул инде 30 мең сумны тәшкил итә. Әмма бу үзгәреш алимент түләмәүчеләргә кагылмый. Республика буенча исә барлыгы бүгенге көндә 68 мең кеше чит илгә чыгудан мәхрүм.