Чаллы-Казан арасының тагы бер өлешендә ике яклы хәрәкәт башланды

Чаллы белән Казанны тоташтыручы М-7 "Идел" федераль трассасында тагы бер участок ачылды.Бу 888 километр белән 901 километрлар арасы. Бу юл өлешендә хәзер ике яклап барырга, кайтырга була. Һәр ике поласаның киңлеге 3,75 метр. Аларның читләренә 12 мең метр тимер киртәләр урнаштырылган, 251 данә юл билгеләре куелган. Чаллыдан Казанга бару өчен тагы да уңайлырак, тизерәк шартлар булуы үзе бер бәхет. Әммә юл читләренлә тизлекне арттыручыларны төшереп, исәпкә алып торучы камералар куелуын да истән чыгармаска кирәк.