Чулман проспектында эш кызу бара

Юл төзүчеләргә Нариманов урамынннан Яшьлек проспектына кадәр 16,6 километр юлны киредән ясарга туры килә. Хәзерге вакытта юл читендәге ташларның 90% алынган, алар яңалары белән алыштырылачак. Ремонт эшләрен башкаручы "Камдорстрой" тресты Чулман проспектын тәртипкә китерү өчен 1 миллиардка якын акча сарыф итәчәк. Юл төзүчеләр төннәрен дә эшлиләр, бу графикка сыешу өчен кирәк. Шәһәр хакиме Наил Мәһдиев төнге эшләр вакытында булган тавышларга юлга якын яшәүчеләрнең түзеп торуларын сорады.