Иң кечкенәләр өчен төркемнәр ачыла

Өстәмә урыннар булдыру өчен 27 млн сумлык эшләр башкарылачак.
Моннан тыш, шәһәребездә «Демография» милли проектны гамәлгә ашыру  кысаларында «Мәктәпкәчә белем бирү оешмаларында 3 яшькәчә кадәр балаларга яңа урыннар тудыру» программасы буенча өч яңа балалар бакчасы төзелә. Аларда барлыгы 660 урын булачак, шуларның 360 өч яшькә кадәрге балалар өчен.
131нче санлы «Лучики» балалар бакчасы 63нче микрорайонда тулысынча төзелеп беткән, аны куллануга тапшыру өчен рөхсәт алынган.
34нче микрорайондагы 130нчы санлы «Калейдоскоп» балалар бакчасы төзелеше тәмамланып килә.
Орловка бистәсендәге 85нче санлы «Карусель» балалар бакчасында эшләр 83 процентка эшләнгән.
Ике балалар бакчасында 135,5 млн сумлык капиталь ремонт үткәрелә. Сүз 79нчы санлы «Вишенка» һәм 75нче санлы «Гвоздичка» балалар бакчалары турында бара. Аларның әзерлеге 79 процент.

Зөһрә Вәлитова.