Тукай туган көнендә Чаллыда Шигърият бәйрәме уза
Инде бик күп еллардан бирле халкыбызда матур традиция яши – шагыйрьнең туган көнендә татарлар яшәгән төбәкләрдә шигырь бәйрәмнәре уздыралар. Чаллыда исә Тукайның тууына 136 ел тулуга багышланган чара бүген, 26 апрельдә, 14:00 сәгатьтә үтәчәк. Тукай скверында урнашкан һәйкәл янында милләттәшләребезне эчтәлекле программа көтә.
Программада:
– 1нче сәнгать мәктәбеннән мастер-класслар;
– үзәкләштерелгән китапханәләр системасы оештырган китаплар күргәзмәсе;
– бөек шагыйрь Габдулла Тукай әсәрләре буенча эшләнелгән картиналар күргәзмәсе;
– шигырь укырга теләүчеләр өчен ирекле микрофон.
Бәйрәм А.Гыйләҗев исемендәге татар драма театры артистлары катнашында театральләштерелгән пролог – әдәби-музыкаль постановка белән башланачак. Бәйрәмдә «Эврика» шәһәр мәдәният үзәге солистлары башкаруында җырлар яңгыраячак.
Чара ахырында исә Г.Тукай һәйкәленә чәчәкләр салачаклар.
Следите за самым важным и интересным в Telegram-каналеТатмедиа
Нет комментариев