“КАМАЗ” быел бер акциягә 42 тиен түли

Бүген "КАМАЗ"ҖАҖ акционерлары еллык нәтиҗәләр буенча җыелыш үткәрә. Анда ТР Президенты Рөстәм Миңнеханов һәм "Ростех" дәүләт корпорациясе гендиректоры Сергей Чемезов катнаша.

Акционерлар яңа директерлар советын раслаячаклар.Ул 11 кешедән торачак. Советның составына Мәскәүдән югары түрәләр дә кертелер дигән фаразлар бар. Татарстанның элеккеге премьер-министры Илдар Халиковны советтан чыгарырлар, дигән сүзләр дә йөри.

Акционерларга еллык нәтиҗәләр буенча дивидинтлар түләү турында да сөйләшәчәкләр. Бу максатка "КАМАЗ" 297 миллион сум бүлгән икән инде. Әммә бер акциягә -42 тиеннән генә түләячәкләр . Бу кемнең кулында акция күп шулар умырып акча ала дигән сүз.