Күпер астында күргәзмә

Чаллының иске бистәсендә, шәһәрне икегә бүлеп агучы Мәләкәс елгасы күпере астында гадәти булмаган күргәзмә эшли башлады. Анда автокаланың тарихы, күренекле шәхесләре һәм КАМАЗ төзүчеләре сүрәтләнгән фоторәсемнәрне урнаштырдылар. "Яр Чаллы тарихы объективта", дип аталган әлеге күргәзмә күпләрнең игътибарын үзенә җәлеп итте инде. Аны хәтта шәһәр хакиме Наил Мәһдиев та килеп карады.

Күргәзмәне күпер астында булдыру идеясын шәһәр башкарма комитетының мәдәният идарәсе күтәреп чыкты һәм аны оештырды да. Күргәзмә урнашкан урында музыка да уйнап торачак, хәзер аны көйләү эшлре бара.

Күпләрдә күргәзмә өчен күпер асты уңайлы микән?, дигән уй туар. Биредә, Мәләкәс елгасы буен матур итеп төзекләндерделәр һәм ул быел да дәвам итә. Күпер асты исә чиста? иркен, якты заллардан бердә ким түгел. Фотокүргәзмә җәй буе эшәячәк.