Пенсияләр артты

Пенсияләр арта РФ Пенсия фонды хәбәр иткәнчә, 1 августтан эшләүче пенсионерларның акчалары артты. "2016 елда рәсми рәвештә эшләгән пенсионерларга 2017 елның августыннан страховка өлеше арткан пенсияләр килә башлый. Арту, эшләүче пенсионерның былтыргы хезмәт хакыннан чыгып, күп дигәндә 222 сум тирәсе булачак", - дип белдерде әлеге оешманың матбугат хезмәте. Шул ук вакытта РФ Хезмәт министрлыгында акча артуга картлык һәм инвалидлык буенча пенсиягә чыгып, 2016 елда аларның эш урыннарыннан страховка взнослары күчерелеп барганнар гына исәп тота ала дип искәрттеләр. Пенсияне арттыру өчен гариза да язасы, беркая мөрәҗәгать тә итәсе түгел. Ә эшләмәүче өлкән яшьтәге гражданнарга пенсияне, илдәге инфляция процентына карап, 2018 елның 1 февраленнән арттырачаклар.