Полисны интернет аша

"Росгосстрах" иминият компаниясе 1 июльдән ОСАГО полисларын үзенең сайты аша сата башлады. Аның клиентлары үзләренең килешүләрен электрон вариантта эшли ала. Башка компания клиентлары өчен әлегә мондый мөмкинлек юк.

2015 елның 1 июленнән кертелә торган проект буенче, РСА базасында автомобиль һәм аның хуҗасы турында мәгълүмат һәм банк картасы булган кешеләр ОСАГОны электрон вариантта рәсмиләштерә алалар. Моның өчен теркәлергә һәм логин, пароль алырга кирәк. Электрон полисның кәгазен алу законда каралмаган. Тикшерү барышында СМС яисә электрон почта аша килгән полис номерын гына әйтергә кирәк.