Президентка Мәләкәс яр буен күрсәттеләр

Татарстан Республикасы Президенты Рөстәм Миңнеханов Чаллыдагы эшлекле сәфәрен Мәләкәс елгасының төзекләндерелгән Тукай исемендәге яр буен караудан башлады. Биредә ремонт эшләренең әле беренче этабы гына башкарылды. Ил башы элеккеге Үзәк урам аша үтте,"Тәүбә" мәчете янындагы музыкаль фонтанны хозур итте, тарихи урыннарга күз салды, ХIX-XX йөзләрдә салынган, хәзер яңартылган биналарны күрде, болар: ипи пешерү йорты, сәүдә урыннары, остаханәләр...

Президентка халык уен кораллары ансамбле һәм башка иҗат коллективлары чыгышларын күрсәттеләр. Биредә олы кунак спортчылар һәм яшьләр белән дә очрашып сөйләште.