Ришвәтчелеккә юк, дибез!

Чаллының Чулман елгасы буенда урнашкан "Саулык" балаларны тернәкләндерү лагеренда "Ришвәтчелеккә - юк, дип әйт!" исемле мәгънәви уеннар оештырылды. Әлеге чараны Иҗади яшьләр академиясе белән берлектә Татарстан Республикасы Президентының коррупциягә каршы сәясәте идарәсе үткәрде. "Бу уеннар балаларга ришвәтчелеккә каршы көрәш юнәлешендә сабак бирү, аларны өйрәтү, белемнәрен күтәрү буенча файдалы аралашу чарасы булып тора. Хокук саклау органнарында эшләгән белгечләрнең чыгышлары да бик отышлы", - диде Казан кунагы, Президент аппараты өлкән киңәшчесе Иван Гущин. Җәйге айларда әлеге мәгънәви уеннар күпчелек муниципаль районнарда үтәчәк.