Россия Президенты үз хезмәт хакын 10 %ка киметергә булган.

Россия Президенты Владимир Путин үз хезмәт хакын 10 %ка киметергә булган. Кремльнең рәсми сайтында шул хактагы Указ пәйда булды.

Владимир Путин үз хезмәт хакын гына "кисеп" калмаган. Рәсми документта, 1 марттан 31 декабрьгә кадәр Россия Хөкүмәте рәисе, Генераль прокурор һәм Тикшерү комитеты рәисе хезмәтләре өчен түләүнең дә 10 %ка кимиячәге әйтелә.

Владимир Путин Указы нигезендә, 1 майдан ел азагына кадәр Президент хакимиятендәгеләрнең һәм хөкүмәт аппаратындагы дәүләт хезмәткәрләренең хезмәт хакы да 10 %ка кыскара.