Шəhри Чаллы

Юстиция министры “Татфондбанк”та акчасы калган гражданнарга: Без төрле юллар эзлибез

Татарстанның юстиция министры Лариса Глухова Үзәк банк тарафыннан лицензиясе алынган "Татфондбанк"ка нисбәтле барлык эшләрне дә закон нигезендә башкарырга кирәклеген белдерде. Бу хакта ул бүген "Татарстан - Яңа гасыр" телеканалының "Адымнар" информацион-аналитик тапшыруына биргән интервьюсында әйтте.

Лариса Глухова бүген Татарстан Республикасы сәүдә сәнәгать палатасына "Татфондбанк"та акчалары калган гражданнар һәм юридик затлар белән очрашуга килгән. Вазгыятькә бәя биреп, ул: "Монда үзенчәлекләр бик күп, һәр очрак бер-берсеннән аерыла. Шуңа күрә, суд эшләре алып барганда, моңа аеруча игътибарлы булырга кирәк. Махсус белгечләр халыкка ярдәм итү өчен бүген бар көчен куя. Без иртәдән кичкә кадәр төрле юллар эзлибез", - дип белдерде.

Исегезгә төшерәбез, "Татфондбанк" гавами акционерлык җәмгыятенең элекке идарә рәисе Роберт Мусин кичә кич кулга алынды. Тикшерүчеләр таләбе буенча, ул 16 апрельгә кадәр сак астында булачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: