Актаныш икмәге

Балачактан тәме авызымда
Әллә инде берәр хикмәтле
Синең кебек ризык юктыр җирдә
Актанышның тәмле икмәге!

Тургайларның моңы сеңгән сиңа,
Ал таңнарның сеңгән аһәңе
И ипикәй, синдә генә бит ул-
Туган җирнең яме һәм тәме.

Кайткан саен алам күчтәнәчкә
Балаларга, туган, якташка
Актанышның йомры икмәген
Ошатам мин якты кояшка.

Рәхмәт сиңа, тырыш игенче дус
Бу хезмәтне изге күрүче
Табын күрке - син үстергән икмәк
Көч һәм гайрәт безгә бирүче!

Ипиләр күп, әммә Актанышның
Ипикәе үзгә, хикмәтле
Яшә, гөрләп туган Актанышым
Син матурсың һәм дә икмәкле!

                Мирһади Разов