11 гыйнвар 2017 яңалыклары

11 гыйнвар 2017

Чаллылыларны кыр үрдәкләрен ашатырга чакыралар

Кыргый үрдәкләр Чаллыны үз итте. Инде дүртенче елдан артык шәһәребезнең яр буйларындагы чишмәләр бәреп чыга торган күллекләрдә кыр үрдәкләре кышларга кала. Быел аларның саны җитмешкә якынлашты. Экологлар әйтүенчә, салкыннарны кошлар яхшы кичерә, ә менә азык табу белән кыенлыклар күп. Шул уңайдан чаллыларны кыр үрдәкләрен ашатып торырга өндиләр.

11 гыйнвар 2017

“КАМАЗ” футбол клубы айфоннар уйната

Яр Чаллының "КАМАЗ" футбол клубы "Җанатар анкетасы" акциясын игълан итте. Анда катнашу өчен футбол клубының рәсми сайтында теркәлү узып кесә телефонының номерын калдырырга кирәк. Соңыннан рандомно кушымтасы буенча җиңүче билгеләнәчәк. Беренче айфон 13 гыйнвар көнне уйнатылачак. Җиңүчеләрне футбол клубының рәсми сайтында һәм интернет төркемендә белеп булачак, дип хәбәр ителә ФК...

11 гыйнвар 2017

ТФБның 45 эшкуар-клиенты 90 млн сумнан артык суммада микрозайм алды

"Татарстан Республикасы эшкуарларга ярдәм фонды" коммерцияле булмаган оешмасына «Татфондбанк»та акчалары тик торырга мәҗбүр ителгән 1652 эшкуар мөрәҗәгать итте, аларның 652се ташламалы шартларда микрозаймнар алу мәсьәләсе буенча, дип сөйләде әлеге фонд генераль директоры Андрей Афонин.

11 гыйнвар 2017

БДИ тапшыру турында гаризалар 1 февральгә кадәр кабул ителә

2017 елда бердәм дәүләт имтиханында катнашуга гаризаны 1 февральгә кадәр тапшырырга кирәк, дип хәбәр итә ТАСС Россия мәгариф һәм фән өлкәсендә күзәтчелек буенча федераль хезмәткә сылтама белән. Гаризада БДИ тапшыручының кайсы предметлардан имтихан бирәчәге теркәлгән булырга тиеш, алар сан ягыннан чикләнми.

11 гыйнвар 2017

Шәһәрдә грипп очраклары теркәлде

Чаллыда кискен респиратор чирләр белән авыручылар саны арта. Алай гына да түгел, 9 гыйнвар мәгълүматларына караганда, шәһәребездә өч кешегә лаборатор анализлар буенча грипп диагнозы куелган. Грипп белән авыручыларның икесе зур кеше, берсе ике яшьлек бала. Алар йогышлы авырулар хастаханәсендә дәвалау курсы үтәләр.

11 гыйнвар 2017

Чаллыда юллар тәүлек буена чистартатыла

Илебезнең ике төп бәласе бар, диләр. Юллар - шуларның берсе. Яңа елның беренче көннәре дә әлеге проблеманың 2017 елда да актуаль булуын дәлилләде. Шәһәрдәшләребез интернет челтәрләрендә һәм "Халык контроле" дәүләт хезмәте аша чистартылмаган юлларга зарланып шактый гына ачулы хәбәрләр калдырды. Редакциябезгә дә шул проблема белән шалтыратучылар шактый иде.

11 гыйнвар 2017

Чаллының хастаханәсендә гыйбадәт бүлмәләре ачыла

Чаллы шәһәрендәге 5 нче санлы хастаханәдә (элеккеге "КамАЗ" шифаханәсе) мөселманнар һәм христианнар өчен гыйбадәт бүлмәләре ачарга әзерләнәләр. Шәһәр имам-мөхтәсибе Әлфәс хәзрәт Гайфуллин һәм аның урынбасары Фоат хәзрәт Мөхәммәтов шифаханәдә булып бу эшнең барышы белән танышты, дип хәбәр итә Татарстан Диния нәзарәтенең матбугат хезмәте.