28 гыйнвар 2017 яңалыклары

28 гыйнвар 2017
Әче, дип кычкыртканым юк.

Мәчеттә гыйбадәт кылучы дусларым арасында яшь җырчы Салават Миңнехановны күргәч, намазга күптән бастыңмы, дип кызыксынмый булдыра алмадым. Сер түгел, бу хәл артистларның сәхнә тормышына тәэсир итми калмый. Муллаларыбыз белән чагыштырганда, җырчыларның тыңлаучысы күбрәк, аудиторияләре зуррак бит. Шуңа күрә Салаватның фикерләре укучыларыбызда кызыксыну уятыр дип уйлыйм.
28 гыйнвар 2017
Чаллы IT-паркының элеккеге җитәкчесе Рамил Ибраһимов эше буенча суд утырышы вакыты билгеләнде

Дүшәмбе, 30 гыйнварда, Идел буе округы хәрби суды Рамиль Ибраһимовның җинаять эшен карауга керешә, ул "терроризмны ачыктан-ачык яклауда" гаепләнә. Бу хакта Идел буе округы хәрби суды матбугат хезмәте хәбәр итә.
28 гыйнвар 2017
Гаилә әгъзасын беренче тапкыр кыйнау өчен каралган җинаять җаваплылыгы гамәлдән чыгарылды

Дәүләт Думасы бүген өченче укылышта гаиләдә кыйнаулар очрагы беренче тапкыр теркәлгәндә, аны җинаять дип түгел, ә административ хокук бозуга кертеп карау турында закон проекты кабул итте. Икенче һәм аннан соңгы очракларда ул җинаять дип танылачак.
28 гыйнвар 2017
Көчле ханым

Пермь өлкәсендәге Жуланово поселогында бер хатын, күршеләренең баласын янгыннан коткару өчен, куллары белән тәрәзәдәге тимер рәшәткәне каерып алган. Күршеләрнең өе яна башлагач, 53 яшьлек хатын шунда таба йөгергән һәм тәрәзәдән чыгарга теләгән җиде яшьлек малайны күреп алган.
28 гыйнвар 2017
Мөфти сайлаячакбыз

Татарстан мөселманнарының Диния нәзарәтендә республика мөфтие вазифасына кандидатлардан документлар кабул итү башланды. Мөфти вазифасын дәгъвалаучы кеше «намуслы, вөҗданлы булырга, бернинди дә сәяси фиркадә тормаска, ямьсез гамәлләр кылмаска, хөкемгә тартылмаган булырга тиеш» диелгән мөфтиятнең сайтында. Кандидатның дини һәм дөньяви белеме, биш ел дәвамында дини оешмада җитәкчелек иткән булуы да мөһим. Сайлау...
28 гыйнвар 2017
Аз керемлеләрне бушлай ашатачаклар

Сәламәтлек саклау министрлыгы Русиядә аз керемле гаиләләр өчен сәламәт ризыклар тәкъдим ителә торган ашханә ачарга уйлый. Ашау бушлай булачак. Әлеге тәкъдим 2025нче елга кадәр исәпләнгән «Сәламәт яшәү рәвешен булдыру» стратегиясендә күрсәтелгән, дип яза ТАСС.
28 гыйнвар 2017
Ярдәмсез калалар

Русия Дәүләт Думасы сугыш балаларына социаль ярдәм күрсәтү турындагы өч альтернатив проектны кире какты. Үзгәрешләр КПРФ, «Гадел Русия» фиркаләре һәм Татарстан Дәүләт Шурасы тарафыннан тәкъдим ителгән иде. Татарстан проектын 450 депутатның 108е генә хуплаган.

Подписаться