24 ноябрь 2017 яңалыклары
-
Ташламалы билетлар
2017 елның 22 декабреннән 2018 елның 15 январена кадәр Мәскәүдән Санкт-Петербург, Адлер, Казан, Самара, Уфа, Ульяновск, Тольятти, Ижевск, Оренбург һәм башка шәһәрләргә кадәр ташламалар булачак. Ерак юлларга йөрүче поездларның пассажирлары кайбер поездларда купеның өске урыннарына билетны аскы урыннарның бәясеннән 50% лы ташлама белән ала алачак.
-
“Алтын домкрат”ка ия булдык
Яр Чаллы Татарстан Республикасының эшлекле климаты рейтингында 14 нче урынны били. Шул көннәрдә генә бөтенроссия күләмендә экологик торыш рейтингында да шәһәрнең лидерлар рәтенә чыгуы билгеле булган иде. Бу ике күрсәткечнең бергә булуы сөендерә: бизнес үсеше әйләнә-тирә мохиткә зарар салмаганда гына хуплана. "КАМАЗ" кебек зур предприятие тирәсенә тупланган моношәһәрнең урта һәм...
-
Чаллыда наркотик сатучы яшьләр арта
Чаллыда гына түгел, ә бөтен Татарстан буенча "Кайда үлем сатканнарын әйт" дип аталган акция бара. Ул тыелган наркотик матдәләрне сату һәм куллану очракларын киметү максатыннан оештырыла. Элегрәк аларны урамда алырга мөмкин булса, бүгенге көндә инде интернет аша гына хәл итәләр.
-
Тогай чүплеге яңартыла
«Промстройпроект» Казан институты 25 декабрьдә җәмәгатьчелеккә Тогай чүплегенең икенче өлешен торгызу проектын тәкъдим итәчәк. Биредә 10 елдан артык КАМАЗның сәнәгать калдыклары күмелә. 2017 елда чүплекнең каты көнкүреш калдыклары өлеше тәртипкә китерелгән иде. Эшнең яңа этабы 2018 елның декабрендә тәмамланырга тиеш.
-
Яңа төр алдау ысулы
Пенсия фонды яңа төр алдау турында кисәтә. Интернетта СНИЛС һәм паспорт мәгълүматларын кулланып, хосусый иминият фондлары түләүләрен белергә була, дигән сайтлар пәйда булган. Беренче этапта кешедән күпме акча түләнәсен белү өчен СНИЛС һәм паспорт мәгълүматларын язарга кушалар.
-
Чаллы автобусларында уңайлыклар арта
2017 ел ахырына кадәр күп сыйдырышлы 190 автобус видеокүзәтү камералары белән җиһазландырылачак. «Электротранспорт» муниципаль унитар предприятиесенә бу эш 3 миллион сумга төшәчәк. Компания халыкның транспортта куркынычсызлыгын тәэмин итү өчен кирәкле җиһазларны кайтарту өчен килешү төзегән инде.
-
Чаллыда яңа үзәк ачылды
Чаллыда 42 нче микрорайон каршындагы Тантаналар Сарае янәшәсендә яңа күпфункцияле үзәк ачылды. Әлеге бина Татарстанда 2012 елдан бирле гамәлгә ашырылучы "Авыл клублары" республика программасы кысаларында төзелгән. Үзәк 300 урынга исәпләнгән һәм башка шундый КФҮләрдән аермалы буларак, шале стилендә торгызылган.