Хатларыбыз көч бирә!

Күптән түгел үзем белән булган шатлыклы вакыйга турында сезгә дә сөйлисем килә. 
Декабрьдә лицеебызда «Махсус хәрби операциягә ярдәм ит» акциясе узды. Анда бөтен мәктәбебез белән фронтка әйберләр җыйдык, хатлар яздык. Мин дә солдатларга, күңелемдә булган җ-лы теләкләремне теләп, хат җибәрдем. 
Хатым Айдар Гыймазов исемле сугышчыга барып ирешкән, һәм ул аны укып кына калмаган. Чаллыга кайткач, ул безнең белән очрашуга да килде! Әле миңа зур бүләк тә алып килде – телевизор! «Мондый хатлар сугышта безнең йөрәкләребезне җылыта, бирешмәскә көч бирә», – диде Айдар абый.
Очрашуга җыелган 5-7нче сыйныф укучылары Айдар абыйга һәм башка кунакларга – сугыш ветераннарына кызыксындырган сорауларын бирделәр, теләкләрен җиткерделәр.
Мин, үз чиратымда, батыр сугышчыларыбызга ныклы сәламәтлек, уңышлар һәм туган якларына, гаиләләренә исән-имин әйләнеп кайтуларын телим! Ә Айдар абыйга мине зурлап мәктәпкә килүе һәм бүләге өчен зур рәхмәт!
Дилә Мөхәмәдиева, 
Яр Чаллы шәһәре, Г. Акыш исемендәге 84нче лицей-интернат, 5В сыйныфы.