2021 елда Чаллы территориясендә коры үлән януның 191 очрагы теркәлгән

Ул билгеләп үткәнчә, язгы-җәйге чорның актив фазасы башлану, шулай ук әйләнә-тирә мохиттә югары температура урнашу сәбәпле, шәһәрнең урман-парк зоналарында һәм торак секторда коры үсемлек яну куркынычы арта.

«Еш кына бу кызганыч нәтиҗәләргә китерә. Ут урман массивларына, хуҗалык корылмаларына, торак һәм торак булмаган корылмаларга күчә. Янып киткән үлән җил белән агач корылмаларга күчә һәм ул шунда ук яна башлый», - диде ул.

Әйтик, коры үлән яну нәтиҗәсендә узган ел «Кама» коммерцияле булмаган бакчачылык ширкәтендә 26 дача йорты янган. Янгынның гомуми мәйданы 800 кв. м. тәшкил иткән. 2021 елда шәһәр территориясендә 191 коры үлән һәм чүп-чар яну очрагы теркәлгән, бу –ел эчендә булган янгыннарның 33,5%ы.

«Татарстан Республикасы территориясендә янгынга каршы махсус режим гамәлгә кертелер алдыннан шәһәр предприятиеләре һәм учреждениеләре җитәкчеләренә, шулай ук шәһәр халкына янгын куркынычсызлыгы кагыйдәләрен үтәү мәсьәләсенә җаваплырак якын килү зарурилыгы турында мөрәҗәгать итәм», - дип мөрәҗәгать итте Илдар Хуҗин.