2026 елда Чаллыда студентларга тулай торак төзелә

Чаллы мэры Наил Мәһдиев аппарат киңәшмәсендә Казан федераль университетының шәһәрдә студентлар кампусы төзү буенча масштаблы проект гамәлгә ашыруы турында хәбәр итте.

«Студентларыбызга уңайлы шартлар тудыру һәм башка төбәкләрдән яшьләрне җәлеп итү максатыннан, быел КФУ студентлар кампусы төзергә кереште. 2026 ел ахырына беренче объект – 1082 урынлы тулай торак файдалануга тапшырылыр дип көтәбез», - дип искәртте мэр.