26 декабрьдән – 1 январьга йолдызнамә

Үгезбозау. Бу атнада үз проблемаларыгызны чишү белән шөгыльләнегез. Эштәге вакыйгалар сезне бик дәртләндермәсә дә, бу турыда кычкырып сөйләргә ярамый. Ялларда эшләрдән аерылып тору, кинога яки шугалакка бару яхшы булыр. 

Игезәкләр. Атна башы шактый мәшәкатьле булырга вәгъдә итә, ләкин ял көннәрендә шау-шу юкка чыгачак. Шәхси тормышыгызда сезне яхшы үзгәрешләр көтә. Сөйгәнегез сезнең өчен «таулар күчерергә» әзер. Бергәләп максатларыгызны тормышка ашырырсыз. 

Кысла. Карьера үсеше өчен бик яхшы атна. Сезне, һичшиксез, күрерләр, мактарлар, күтәрерләр. Профессиональ сәләтегезне күрсәтү өчен менә дигән вакыт. Ял көннәрендә якын дусларыгызны чакырыгыз, күңелле ял оештырыгыз.

Арыслан. Сезгә битараф булмаган кешеләрдән игътибар таләп итү генә түгел, ә алар өчен нәрсәдер эшләү дә яхшы булыр иде. Атна көчле эмоциональ реакция тудыручы вакыйгалар белән тулы булачак. Ял көннәрен гаилә һәм туганнар белән үткәрү яхшы.

Кыз. Сезгә хисләрегезне яшерү авыр булачак. Сишәмбе көнне сез бу төшенчәнең мәгънәсенә төшенә алырсыз. Пәнҗешәмбе көнне алдау яки манипуляция корбаны булу куркынычы бар. Якшәмбе көне кунаклар кабул итәргә әзерләнегез. 

Үлчәү. Коллегалар сезнең тәкъдимнәрегезгә колак салачак, ә җитәкчеләр премия белән бүләкли ала. Пәнҗешәмбе – яңа танышу өчен бик яхшы көн, шул исәптән романтик очрашулар өчен дә. Ял көннәрендә сез яхшы компаниядә күңел ача алачаксыз.

Чаян. Бу атнада хәлегез сизелерлек яхшыра, өстәмә табыш та көтә. Сез күп киртәләрне җиңеп, яңа дәрәҗәгә чыга аласыз. Берәр нәрсәне үзгәртергә, сәяхәт итәргә чыгуыгыз ихтимал, ниндидер тәкъдимнән дә баш тартмагыз. Барлык үзгәрешләр яхшы якка.

Укчы. Хәзер сез тыныч күңел белән ял итә аласыз, барлык проблемаларны диярлек хәл итеп бетердегез. Вакытыгызны күбрәк ял итүгә багышлагыз, бәйрәмнәр өчен планнар төзегез. Бүләкләр сатып алырга вакыт, шуның белән шөгыльләнегез. 

Кәҗәмөгез. Атна кызыклы вакыйгаларга бай булачак. Дөрес, мәшәкатьләр, ниндидер шалтыратулар, үтенечләр көтелә. Хезмәттәшләрегезне һәм дусларыгызны бүләк белән сөендерегез. Ялларда Яңа елга бүләкләр алыгыз.

Сукояр. Барлык бурычларны да үз өстегезгә алмагыз, эшне бүлгәләп эшләргә өйрәнегез һәм кешеләрне дә шуңа өйрәтегез. Шәхси тормышта үзгәрешләр көтелә. Ял көннәрен дусларыгыз, туганнарыгыз янәшәсендә уздырыгыз. 

Балыклар. Кайбер нәтиҗәләр ясау өчен яхшы вакыт. Сезнең тормышыгыз кискен үзгәрергә мөмкин. Яраткан кешегезгә тиешле игътибар бирегез. Ялларда үзегез генә берәр кая барып кайтыгыз.