Җәмәгать транспорты тукталышлардагы машиналарга каршы

 “Пассажирские перевозки” җәмгыятенең генераль директоры Николай Тятюшкин мэр Наил Мәһдиевка мөрәҗәгать итте. Аны тукталышлардагы юл торышы борчый. Аеруча ГЭС бистәсендәге 2нче хастаханә тукталышы. Анда Алабугага, Казанга йөрүче машина-автобуслар төзелеп тора. "Җәмәгать транспортына комачаулыйлар. Пассажирларны тиешле урында төшерү кыенлаша,” - ди Николай Тятюшкин. 

Наил Мәһдиев бу мәсьәләне башкарма комитет җитәкчесенең беренче урынбасары Илья Зуев белән хәл итәргә кушты. Урыннарга чыгып, шәһәрара йөрүче автобус йөртүчеләре белән сөйләшергә боерды. 

- Алар белән яхшылап сөйләшегез. Аңларлар дип уйлыйм. Хәл үзгәрмәсә, иртәгәдән җаваплылыкка тартылачакларын белеп торсыннар, - диде Наил Мәһдиев. 

Шулай ук, мэр тукталышларга тиешле юл билгеләре куюны да контрольдә тотарга кушты.