Шәһри Чаллы

Яр Чаллы шәһәре

18+
2024 - Гаилә елы
Яңалыклар тасмасы

Бакчаларны су басмасмы?

«Бережок» һәм «Энергетик» бакчачылык ширкәтләре аеруча игътибар үзәгендә булырга тиеш!

Түбән Кама сусаклагычының түбән бьефында урнашкан «Бережок» һәм «Энергетик» бакчачылык  ширкәтләрен су басудан саклау өчен гидротехник корылмалар төзәтелде. "Шулай ук идарә итү пунктлары да тәртипкә китерелде", – диде Башкарма комитет җитәкчесенең беренче урынбасары Илья Зуев.

Чулман елгасында су дәрәҗәсе нормада. Югары бьефта -  63,11 метр, (критик билге 65,9 метр), түбән бьефта - 51,82 метр (критик билге 58,9 метр). Су биеклеген контрольдә тоту дәвам итә. 

«Гидротехник корылмалар барысы да тәртиптә, гадәти режимда эшли. Әмма тынычланырга иртәрәк әле, чөнки Чулманның Урал ягындагы өлешендә кар эремәде. Барысы да бәла-казасыз үтсен. Бер елны  «Бережок» һәм «Энергетик» бакчачылык ширкәтендәге шәһәрдәшләребезнең милке су астында калган иде. Шуңа күрә бу урыннар быел игътибар үзәгендә булырга тиеш», – диде шәһәр мэры Наил Мәһдиев. 

Зөлфия ФОАТОВА
 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 01 пожар огонь мчс

2
X