Бер капчык наркотик белән тоттылар - ВИДЕО

ЮХИДИ хезмәткәрләре “Тула-1” постында Land Rover автомобилен туктата. Документларын караганда, машина йөртүче үзен сәер тота. Инспекторлар җентекләп тикшерергә була. Тентү барышында алар 200 грамм наркотик табалар. Машинада - тагын да күбрәк. Багажник обшивкасы астында, запас тәгәрмәч куя торган урында һәм сумкада 54 килограмм мефедрон, 1 килограммнан артык кокаин, 1700 грамм марихуана килеп чыга. Әлеге наркотикларны ул Екатеринбург, Курган, Төмән, Иркутск, Красноярск шәһәрләрендә яшерен урыннарда калдырырга тиеш булган. Наркокурьерга карата җинаять эше кузгатылды. 

РФ ЭЭИ матбугат хезмәте фотосы һәм видеосы