Берьюлы дүрт кеше һәлак булды

Фаҗига Пенза өлкәсендә килеп чыкты.
Пенза өлкәсенең Городище – Никольск трассасында коточкыч юл-транспорт һәлакәте булды.
ГАИ инспекторларының якынча мәгълүматлары буенча КамАЗ һәм Citroen машиналары бәрелешә. Нәтиҗәдә минивен тимер өеменә әйләнә. Аның йөртүчесе һәм өч пассажиры һәлак була.
Чит ил машинасындагы тагын ике кеше һәм йөк машинасын йөртүче авыр җәрәхәтләр белән хастаханәгә озатыла. 
Citroen машинасындагылар Татарстан кешеләре икәнлеге билгеле. Алар өйләренә кайта торган булалар.
Фаҗига буенча тикшерү  эшләре башланды.