"Әбиләр чуагы" октябрь башына кадәр барачак
Берничә көн элек Татарстанга килгән коры һәм уртача җылы һава торышы республика территориясендә сентябрь ахырына кадәр сакланачак.
27 сентябрьдә явым-төшем булу ихтималы аз. Төнлә һава температурасы 4-9 градус, республика көнчыгышында +1дән +6 градуска кадәр була, урыны белән -1 градуска кадәр кырау төшәргә мөмкин. Көндез һава 16-22 градуска кадәр җылыначак. Дүшәмбе, 28 сентябрьдә, төнлә һава +3тән +8 градуска кадәр, көндезге сәгатьләрдә +17дән +22 градуска кадәр җылына. Метеорологлар сишәмбе һәм чәршәмбе, 29 һәм 30 сентябрь көннәрендә, һава торышының элеккечә коры һәм җылы булуын көтә, һава температурасы күпьеллык нормалардан 2-3 градуска югарырак булыр», — дип фаразлый белгечләр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев