Чаллы мэрыннан бүләкләр

Чаллыда мэр Наил Мәһдиев исеменнән махсус хәрби операциядә катнашучыларның гаиләләренә 8 март уңаеннан азык-төлек җыелмалары тапшырыла. Барлыгы 3200дән артык бүләк әзерләнде.

Үзәк районда бүләкләрне 1180 гаилә алачак. Аны район башлыгы Фидәрис Хәбибуллин тапшыра.
Комсомол районында 1060 бүләк бирелә.
Район башлыгы Ленар Әхмәтҗанов Россия герое Сергей Чебневның әнисе Ольга Константиновнага бүләкне тапшырды. Ул аны якынлашып килүче халыкара хатын-кызлар көне белән котлап, бәйрәм концертына чакырды. 
«Ватанны саклаучыалрның гаиләләре белән элемтәдә тору безнең өчен мөһим. Сез – безнең тыл, сезнең ныклыгыгыз һәм ышанычыгыз безгә ярдәм итә», – дип билгеләп үтте район башлыгы. 
Автозавод районында СВОда катнашучыларның һәм һәлак булган хәрбиләрнең 1032 гаилә азык-төлек җыелмасы алачак.