Чаллы спортчылары Дөнья чемпионатында 14 алтын медаль яулады

23-24 сентябрьда Екатеринбургта кул көче таләп ителә торган спорт төрләре буенча Дөнья чемпионаты узды. Анда 2 меңнән артык спортчы катнашты. Россиядән тыш, якын чит илләрдән дә килүчеләр күп булды. Чаллы данын 8 шәһәрдәшебез - Рафик Ибраһимов, Диләрә Халикова, Августа Беляева, Гөлназ Гыйлметдинова, Нәзимә Закирова, Фәнис Нуретдинов, Николай Бердников һәм Айдар Зиннуров - яклады. Команда 14 алтын, 2 көмеш һәм 2 бронза медаль яуладылар.