Чаллы укучылары ант итә

Татарстанда «Беренчеләр» хәрәкәте активлаша. Август аенда Биләр форумында республикда беренчеләрдән булып, 800 бала ант әйтеп, значоклар алдылар. Хәзер мондый чаралар Татарстанның барлык район, шәһәрләрендә уза.

Иртәгә Чаллының «Орион» яшьләр үзәгендә тантаналы рәвештә «Беренчеләр» хәрәкәтенә беренче кабул итү була.  Яңа хәрәкәт сафына 80 кеше басмакчы. Алар – шәһәрнең иҗтимагый оешмалар активистлары. 

Тантана 16 сәгать 30 минутта башлана. Оештыручылар әйтүенчә, малайлар һәм кызлар «ышаныч түгәрәгенә» бүленеп, ант бирәләр һәм «Беренчеләр» хәрәкәтенең значогын кабул итәчәкләр. Значок өскә, яңа максатларга омтылуны аңлата.

Фото Чаллы сайтыннан алынды