Чаллы волонтерлары җиңү яулады

Чаллының 5 волонтерлык проекты «БЕЗБЕРГӘ» («МЫВМЕСТЕ») Халыкара премиясенең региональ этабында җиңү яулады. Бу Россиядәге волонтерлык өлкәсендәге иң зур бәйге. Бүләкләрне Казанда ТР яшьләр белән эшләү министры Ринат Садыйков тапшырды. «Җаваплы бизнес» номинациясендә ТР Дәүләт Советы депутаты, «Далини» компанияләре төркеме җитәкчесе Руслан Нигъмәтулин  коммерцияле булмаган оешмалар арасында  «Содействие» гражданнар җәмгыятенә ярдәм итү үзәге (җитәкчесе Александр Соколов) һәм “VашаZащита" маскировка челтәрләре проекты кураторы Ольга Берлина җиңүче дип табылды.

«Тормыш территориясе» номинациясендә экологик агарту юнәлешендә эш алып баручы «Экоактив» проекты белән «Орион» яшьләр үзәге белгече Ксения Сыкрина һәм Үзәк районы территориаль иҗтимагый үзәкләр ассоциациясе рәисе Рәфилә Нуриева бүләккә лаек булды.