Чаллыда 107 заправка станциясен кардан чистарттылар

Чаллыда мэр Наил Мәһдиев кушуы буенча 107 автоягулык станциясе түбәсен кардан һәм боздан чистарттылар. 
Комсомол районында – 44, Үзәк районда – 31, Автозавод районында 32 станция тәртипкә китерелде. 
Автоягулык станцияләре территориясен һәм түбәләрен вакытында кардан чистартмаган өчен, кышкы чорда шәһәрне төзекләндерү кагыйдәләре буенча штраф салынырга мөмкин. 
Штраф күләме түбәндәгечә:
Физик затларга – 2000нән 3500гә кадәр, җитәкчеләргә – 15 000нән -30 000гә кадәр, юридик затларга 200 000 -500 000 сумга кадәр. 
Кагыйдәләрне икенче тапкыр бозсаң, штраф күләме дә арта. 
Фото хакимиятнең телеграмм каналыннан алынды