Чаллыда 77 яшьлек әбине оныгы чүкеч белән кыйнаган

БСМП табиблары 77 яшьлек хатын-кыз гомерен саклап калу өчен көрәшә. Хастаханәгә ул авыр хәлдә эләгә. Башы имгәнгән, борыны һәм куллары сынган була. Пенсионерны мондый халәткә 25 яшьлек оныгы китерә. 

Ул әбисенә кунакка килгән була. Исерек икәнен белгәч, әбисе эчүен ташларга, туры юлга басарга өнди. Ир-атка акыл өйрәтү ошамый - әбисен чүкеч белән кыйный. Башына гына 10 тапкыр суга. Тән җәрәхәтләре алган әби кеше оныгы киткәч, улына шалтырата. Аны хастаханәгә озаталар. 

Егеткә "үтерергә теләү" маддәсе буенча җинаять эше кузгатылды. Психиатрия экспертизасы да үткәреләчәк.