Чаллыда балаларга бәйләнүче мигрантны СИЗОга җибәрделәр

Суд карары белән 39 яшьлек ир-атны СИЗОга озаттылар. Ул 2 ай сак астында булачак.

Исегезгә төшерәбез, әлеге ир-атны социаль-челтәрләрдә ата-аналар балаларга бәйләнүдә гаепләп чыкты. 26 һәм 27 комплексларда беренче сыйныфта укучы балаларга бәйләнүе турында яздылар.   Хәтта көчләгән дигән имеш-мимешләр дә яңгырады. Сак булырга, балаларын мәктәпләрдән каршы алырга киңәш итте алар.

Хокук сакчылары  шикле ир-атның эзенә 2 декабрьдә чыкты.  Мигрант "сексуаль характердагы көч куллану" маддәсе буенча 2 эпизодта гаепләнә. Хокук сакчылары әйтүенчә, ул балаларны үбеп йөргән.