Чаллыда дебошир егет ягулык станциясен астын өскә китерде

Раскольников урамындагы Irbis ягулык станциясендә күңелсез хәл булды. 21 яшьлек ир-ат киштәләрдәге әйберләрне ташлап, тавыш-гауга куптарды. Витринаны, компьтерларны һәм кофемашинаны ватып бетерде. Хокук сакчылары аны полиция бүлегенә озатты. Хәзерге вакытта вакыйга сәбәпләре һәм салынган зыян күләме ачыклана. 

Дебошир егетне ягулык станциясе хезмәткәрләре видеога төшергән. Аннан күренгәнчә, егет аек акылда түгел.