Чаллыда яңа завод төзелә

ТР Икътисад министры Мидхәт Шаһиәхмәтов җитәкчелегендәге республика комиссиясендә  Чаллының  «Титан-М» компаниясен ТОРның яңа резиденты дип таптылар. Әлеге компания эретеп ябыштыру өчен балкалар җитештерү буенча завод төзиячәк. 

Проектны гамәлгә ашыру өчен 102 млн сум инвестиция җәлеп ителә. Предприятиедә  елына 4,8 мең тонна балка җитештерү планлаштырыла. 

Яңа завод 2026 елның IV кварталында ачылырга тиеш. 15 яңа эш урыны булыр дип көтелә. 
Фото шәһәр хакимияте сайтыннан алынды.