Чаллыда мобилизация бүлеге барлыкка килә

Шәһәр Советының чираттагы сессиясендә  башкарма комитетта мобилизация бүлеге оештыру турында карар кабул ителде. Башкарма комитетның аппарат җитәкчесе Гөлнар Әхмәтова әйтүенчә, халыкның куркынычсызлыгын тәэмин итү бүлеге урынына мобилизация һәм гражданлык оборонасы, халыкны саклау бүлекләре барлыкка килә. Ике бүлектә барлыгы 5 кеше эшләячәк. Моның өчен бюджеттан өстәмә чыгымнар таләп ителми.

Мобилизация бүлеге – исеменнән үк күренгәнчә, мобилизациягә әзерлек һәм оештыру эшләре белән, икенчесе терракт һәм экстремизмга каршы профилактика чаралары, янгын куркынычсызлыгын тәэмин итү белән шөгыльләнәчәк.