Чаллыда тагын бер укучы ике имтиханда 100әр балл җыйган

Чаллыда Бердәм Дәүләт имтиханнарын уңышлы тапшыручылар шактый. Чит телләр, тарих һәм биология буенча БДИ нәтиҗәләре билгеле булды.  

Ике имтиханнан 100әр балл җыйган укучылар исемлегенә тагын бер укучы өстәлде. Ул – рус теленнән һәм инглиз теленнән бердәм дәүләт имтиханында 100 балл җыйган 56нчы мәктәп укучысы Диана Бакирова. 

«Имтиханнардагы уңышларым өчен рус теле укытучысы Ольга Шокуровага һәм инглиз теле укытучысы Ирина Бәдретдиновага рәхмәт», – ди Диана. 

Фото шәһәр сайтыннан алынды