Чаллыда татар теле укытучылары ярыша

Зөлфия ГАЛИМ, 4 февраль 2025 - 12:51

581

Зона этабында җиңгән укытучы республика конкурсында катнашу хокукына ия була.

Чаллының 54нче татар гимназиясендә «Иң яхшы татар теле һәм әдәбияты укытучысы – 2025» Бөтенрәсәй һөнәри бәйгесенең
Яр Чаллы шәһәрендәге зона этабы бара.

Бәйгедә катнашучы туган тел укытучыларын шәһәр мәгариф идарәсе башлыгы Рөстәм Хуҗин сәламләде һәм уңышлар теләде.

Әлеге мәртәбәле бәйгедә барлыгы 5 укытучы катнаша. Чаллы даныны 62нче белем бирү үзәгенең татар теле һәм әдәбияты укытучысы Илиза Гарипова яклый.

Бәйгедә катнашучылар ачык дәресләр һәм мастер-класслар үткәрәләр.

Следите за самым важным и интересным в Telegram-каналеТатмедиа